أخبار المملكة- مراد بنعلي
وجهت، عضو الفريق النيابي للبام فاطمة سعدي، رسالة إلى عموم المواطنات والمواطنين، عبر فيديو مسجل باللغة الأمازيغية- الريفية، تحثهم فيه على التزام منازلهم والتقيد بتوجيهات السلطات العمومية، وعدم الخروج إلا للضرورة.
تجدون أسفله “سوتيتراج” الفيديو
الأخوات المواطنات، الإخوة المواطنين، اليوم بلادنا دخلات في تنفيذ حالة الطوارئ الصحية بسبب كورونا باش تحمينا وتحافظ على الصحة ديالنا، والدولة راها دايرة مجهود كبير في التواصل وإيصال المعلومة بكل المستجدات اللي عندها بهاد الفيروس، والقنوات التلفزية والسلطات المحلية كلهم مجندين لهاد الغرض.
لهذا خصنا نكونوا فمستوى اللحظة ونسمعوا توجيهات السلطة، إذن خصنا نلتزموا البقاء في ديورنا ونردوا البال لولادنا الصغار بالخصوص ونحاولوا نديروا معهم أنشطة موازية فالدار.
بالنسبة لرخصة التنقل الاستثنائية اللي دارتها الدولة، خصنا نستخدموها بشكل صحيح وما نخرجوش إلا للضرورة القصوى، لأنه فها الوقت بقاءنا في ديورنا أفضل من خروجنا، باش هاد الفيروس يبقى انتشارو قليل ومحدود في أفق القضاء النهائي عليه. وهكذا غنكونوا حافظنا على راسنا وصحتنا وعاوننا الدولة باش تدير عملها، وخصنا نتحملوا المسؤولية جميعا بهاد الخصوص ..
akhbarmamlaka
